« అందాల తార అరుదెంచె నాకై
Andhaala thaara arudhenche nakai share with whatsapp

పల్లవి:
అందాల తార అరుదెంచె నాకై అంబర వీధిలో   
అవతారమూర్తి యేసయ్య కీర్తి అవని చాటుచున్    (2X)
ఆనందసంద్ర ముప్పొంగె నాలొ అమరకాంతిలో   
ఆది దేవుని జూడ ఆశింప మనసు పయనమైతిని   
...అందాల తార...
1.
విశ్వాసయాత్ర దూరమెంతైన విందుగ దోచెను   
వింతైన శాంతి వర్షించె నాలో విజయపధమున    (2X)
విశ్వాలనేలెడి దేవకుమారుని వీక్షించు దీక్షతో   
విరజిమ్మె బలము ప్రవహించె ప్రేమ విశ్రాంతి నొసగుచున్   
...అందాల తార...
2.
యెరూషలేము రాజనగరిలొ యేసుని వెదకుచు   
ఎరిగిని దారి తొలగిన వేళ ఎదలొ కృంగితి    (2X)
యేసయ్యతార ఎప్పటివోలె ఎదురాయె త్రోవలో   
ఎంతో యబ్బురపడుచు విస్మయ మెుందుచు ఏగితి స్వామి కడకు   
...అందాల తార...
3.
ప్రభు జన్మస్థలము పాకయేగాని పరలోక సౌధమే   
బాలునిజూడ జీవితమెంత పావనమాయేను    (2X)
ప్రభుపాదపూజ దీవెనకాగ ప్రసరించె పుణ్యము   
బ్రతుకే మందిరమాయె అర్పణలే సిరులాయె ఫలియించె ప్రార్ధన   
...అందాల తార...